باسنت خطاب

بجد شخصيه رائعه اوي ، مفتكرش ان حد عرفها ومحبهاش ، اتعرفت عليها في الترم التاني من سنه تالته جامعه ، احنا جامعه وكليه وقسم وتخصص واحد ، وحتي افكار مشاريعنا احنا الاتنين اترفضت بعد ما بدانا تنفيذ يا محاسن الصدف :D:D

اتعرفت عليها عن طريق واحده صاحبتنا وقبلها كنت مشتركه في جروب ليها علي الفيس بوك ، اسمي علي الفيس شدها اوي لدرجه ان لما صاحبتي ناديتني بالاسم ده لقيتها اتحفزت فجأه وقالتلي انتي جيمي بالمر ؟؟؟؟؟؟؟؟؟؟ ؟ حسيت انها هتطلبلي البوليس فجأه :D:D  قبل ما اعرف منها انها كان نفسها تعرف جيمي ده يبقي ولد ولا بنت ، مع انها لو تعبت نفسها شويه وبصت في الانفورميشن كانت عرفت :P

عملت فيا جميل عمري ما هنساهولها ، هي مونتيره وكاتبه موهوبه بجد بسم الله ما شاء الله عليها وموهبتها تشهد بكده ، انقذتني في مشروع سنه تالته وهي المونتيره يتعته ، مكنتش عارفه اعمل ايه لاني كنت مسافره ساعتها وجروبي ميعتمدش عليه اصلا ، وسبحان الله هي اللي انقذاتني من اني اسقط في المشروع .

انسانه بمعني الكلمه ، بتحب الحياه ، متفائلة ، طموحة ، بتحب تنمي قدراتها دايما ، اجتماعيه جدا ، وبتحب محمود العسيلي :D:D

اول كتاب ليها اسمه " كومبارس " لما روحتلها حسيت انها طفله وجابت لبس العيد فرحتها بالكتاب ده كانت غير عاديه ، اسلوبها في الكتابه خلاني احبها اكتر واكتر

بجد بتمنالها التوفيق من كل قلبي لان معرفتها فعلا مكسب <3<3<3